Mgomo wa madereva wa kwamisha safari za mabasi Dodoma

29 September 2026, 16:38

Hatua  hiyo  imeibua  mjadala  kuhusu  changamoto  zinazo wakabili madereva  wa  mabasi  ya  masafa  marefu,  huku wadau wakitarajiwa  kutafuta  suluhisho  litakalo wezesha  huduma  za  usafiri kuendelea  bila  kuathiri  usalama  barabarani wala maslahi  ya  madereva.

Na Anwary Shabani.

Safari  za  mabasi  ya  mikoani zimekwama  katika  Kituo Kikuu cha Mabasi  Nane nane  jijini  Dodoma, baada  ya  baadhi  ya  madereva kusitisha  huduma  hiyo  wakipinga  kile  wanacho  dai  kuwa ni changamoto  katika utekelezaji wa sheria na mazingira ya kazi.

Madereva hao wameeleza kuwa miongoni  mwa  sababu zilizo wasukuma kusitisha  safari  ni  utekelezaji  wa  mfumo  wa  kukatwa  pointi kwenye  leseni  za  udereva ,  ambao  wanadai  unaathiri  utekelezaji wa  majukumu  yao.

Aidha, wamelalamikia namna ukaguzi  na  usimamizi  wa  magari unavyo fanyika  barabarani ,  huku  wakidai  kukumbana  na  usumbufu  kutoka  kwa  baadhi  ya  askari  wa  usalama  barabarani  wakati wakitekeleza majukumu yao.

Mbali  na  changamoto  hizo , madereva  hao  pia  wameeleza kutoridhishwa  na  mazingira  ya  ajira , wakidai  kuwa  wanapodai maslahi  yao  kutoka  kwa  waajiri,  wakati  mwingine  hukumbana  na hatua  za kuondolewa  kazini. Kutokana  na  hatua  hiyo , wasafiri  waliokuwa  wakitarajia  kusafiri kutoka  Dodoma  kwenda  mikoa  mbalimbali  wamekumbwa  na usumbufu  wa  usafiri, huku  baadhi yao wakilazimika kusubiri kituo hicho