Katazo la unyago laungwa mkono na baadhi ya wananchi

21 September 2023, 3:15 pm

Inaelezwa kuwa baadhi ya tamaduni zimekuwa zikiwafundisha mabinti katika unyago mambo ambayo hayastahili.

Na Khadija Ayoub.

Wananchi jijini Dodoma wameonesha kuunga mkono katazo la mh. Rais Samia Suluhu Hassan kuwapelekea watoto wa kike katika unyago kwani ni kuwaonea na kuwanyima haki yao ya msingi ya malezi wanayostahili.

Wananchi hao wakizungumza na kituo hiki wamesema kuwa desturi ya watu kuwapeleka kuwafanyia unyago watoto inaweza kuwasababishia athari kutokana na baadhi ya tamaduni hizo kufundisha mambo yasiyo na maadili.

Hivi karibuni Rais wa Jamuhuri ya Muungano wa Tanzania akiwa ziarani wilayani Ruangwa mkoani Lindi alikemea tabia ya baadhi ya wazazi kuwapeleka watoto wao kufanyiwa unyago.