Watoto wasaidiwe kuvuka barabara ili kuepusha ajali

5 September 2023, 3:35 pm

Kundi la watoto ni miongoni mwa makundi yanayohitaji misaada hususani pale wanapokuwa katika maeneo ya barabara ili kuepukana na ajali zinazoweza kutokea.

Na Thadei Tesha.

Jamii imetakiwa kushiriki katika suala la kuwasadia watoto pale wanapoelekea shuleni na maeneo mengine ya kijamii ili kuwaepusha na changamoto za barabarani ikiwemo ajali.

Dodoma tv imepita katika maeneo mbalimbali ingawa imeshuhudia uwepo wa watoto wakiwa na wazazi wao katika maeneo ya barabara lakini pia wapo baadhi ya watoto ambao wapo bila ya usimamizi wa wazazi.

Je wazazi wanashiriki vipi katika kuwaepusha watoto hawa dhidi ya ajali za barabarani?

Aidha baadhi ya madereva wa vyombo vya usafiri ikiwemo magari na pikipiki nao hawapo nyuma katika kushiriki suala hili.

Lakini sheria inasemaje kuhusu suala la kuwaangalia watoto pale wanapotumia barabara? Huyu hapa coplo Ester Makali mwalimu wa usalama barabarani anaeleza zaidi.