Wakazi wa Nzelenze waililia Serikali matumizi ya maji yasiyo salama

29 January 2025, 2:45 pm

Changamoto hiyo inawaathiri baadhi ya wananchi wa vitongoji hivyo hali inayopelekea hitaji la maji kuwa kubwa zaidi .

Na Victor Chigwada.
Wananchi wa kitongoji cha Nzelenze Kata ya Itiso Wilaya ya Chamwino wameiomba Serikali kuongeza visima vya maji safi na salama ili kuwasaidia kuondokana na matumizi ya maji yasio safi na salama.

Wakizunguma na taswira ya habari miongoni mwa wananchi hao wemesema kuwa shida hiyo imekuwa ikiwalazimu kutembea umbali mrefu kutafuata maji yasio safi na salama.

Aidha wameomba kusaidiwa na kuongezewa miundombinu ya visima vya maji yatakayo saidia kutatua changamoto hiyo kwa vitongoji ambavyo havina huduma hiyo.

Diwani wa Kata ya Itiso Bw.Simoni Matambila amekiri changamoto hiyo kuwaathiri baadhi ya wananchi wa vitongoji hivyo hali inayopelekea hitaji la maji kuwa kubwa zaidi .

Matambila ameongeza kuwa kutokana na uhaba wa visima vya maji safi na salama wanachi wanalazimika kutembea umbali mrefu ili kufuata maji ya visima vya kuchimba kwa mkono.