BMH yafanya matibabu ya moyo kwa kutumia mishipa ya mkono kwa mara ya kwanza

15 February 2024, 5:34 pm

Njia ya mshipa wa mguuni ilihitaji mgonjwa kukaa si chini ya saa sita baada ya huduma pasipo kuinuka kitandani au kukunja mguu tofauti na hii ambapo anainuka kutembea mwenyewe na baada ya saa chache anaweza kuruhusiwa kwenda nyumbani siku hiyo hiyo.

Na Mindi Joseph.
Hospitali ya Benjamin Mkapa (BMH) iloyopo jijini Dodoma imefanya uchunguzi wa moyo kwa mgonjwa kwa kutumia mshipa wa mkono kwa mara ya kwanza.

Kwa mujibu wa Mkuu wa Kitengo cha Maabara Maalum ya Uchunguzi wa Moyo (Catheterization Laboratory -CathLab) cha hospitali hiyo, Dkt. Kelvin Masava, uchunguzi na matibabu kwa njia hiyo mbali na kuwa na faida nyinginezo lakini inampunguzia mgonjwa muda wa kukaa hospitali.

“Mgonjwa anarejea kwenye shughuli zake kwa wepesi na haraka ikilinganishwa na njia ya kupitia kwenye mshipa wa mguuni tuliyokuwa tukitumia wakiitumiaa awali,” anasema

Anafafanua kuwa utaratibu huu unamuwezesha mgonjwa kunyanyuka na kutembea mwenyewe mara tu baada ya kupata huduma tofauti na apo awali.