Dodoma FM
  Stream radio
Menu
Dodoma FM
  2. afya
  3. Marie Stopes yazindua kampeni ya ‘kwa kila hatua ya mwanamke’

Marie Stopes yazindua kampeni ya ‘kwa kila hatua ya mwanamke’

27 October 2024, 6:13 pm

Baadhi ya viongozi na washiriki katika picha ya pamoja baada ya uzinduzi wa kampeni ya Kwa Kila Hatua ya Mwanamke, uzinduzi uliofanyikia hospitali ya Marie Stopes Mwenge jijini Dar es Salaam. Picha na Hilali A. Ruhundwa

Kwa kutambua changamoto katika hatua ya ukuaji wa mwanamke na uhitaji wa huduma za afya, shirika la Marie Stopes Tanzania limezindua kampeni itakayomwezesha mwanamke kuanzia umri wa miaka 16 hadi 50 kupata huduma stahili za afya.

Na Hilali A. Ruhundwa, Wazalendo Media

Serikali imeahidi kuendeleza ushirikiano na sekta binafsi zinazojihusisha na utoaji wa huduma za afya nchini ili kuhakikisha wananchi wanapata huduma bora za afya. Hayo yamebainishwa na mwakilishi wa Mganga Mkuu Mkoa wa Dar es Salaam Dkt. Living Nyaki ambaye alikuwa mgeni rasmi katika uzinduzi wa kampeni ya mwaka mmoja ya Kwa Kila Hatua ya Mwanamke, kampeni iliyozinduliwa Oktoba 25, 2024 jijini Dar es Salaam.

Sauti ya Dkt. Living Nyaki mwakilishi wa Mganga Mkuu wa Mkoa wa Dar es Salaam
Kushoto ni Dkt. Living Nyaki akikata utepe wa uzinduzi wa kampeni ya Kila Hatua kwa Mwanamke, kulia ni Mkurugenzi Mkazi wa Marie STopes Tanzania Bw. Patrick Nemo. Picha na Hilali A. Ruhundwa

Akielezea huduma zitolewazo na hospitali za Marie Stopes Tanzania, Mkurugenzi Mkazi wa shirika hilo Bw. Patrick Nemo amesema kuwa kwa miaka mingi wamekuwa wakishirikiana na serikali katika kutoa huduma za afya hasa afya ya uzazi na kwamba kampeni hii ni sehemu ya kuwahudumia wanawake baada ya kubaini kuwa wanapitia changamoto nyingi katika hatua zote za ukuaji.

Sauti ya Mkurugenzi Mkazi wa Marie Stopes Tanzania Bw. Patrick Nemo
Uzinduzi wa kampeni ya Kwa Kila Hatua ya Mwanamke. Picha na Hilali A. Ruhundwa

Kwa upande wake Mratibu wa kampeni hiyo Dkt. Mashingo Lerise amesema kuwa kwa mwaka jana walitoa huduma kwa wanawake zaidi ya 98,000 na sasa wanatajia kuwafikiwa wanawake zaidi ya 100,000 ambao kila mmoja atawafikia wanawake wengine 10 na kufikia zaidi ya wanawake milioni moja.

Mratibu wa kampeni ya Kwa Kila Hatua kwa Mwanamke Dkt. Mashingo Lerise akielezea kampeni hiyo na jinsi itakavyotekelezwa.
Sehemu ya wafanyakazi wa Marie Stopes Tanzania na wadau wa shirika hilo walioshiriki uzinduzi wa kampeni ya Kwa Kila Hatua ya Mwanamke. Picha na Hilali A. Ruhundwa

Lisa Chonya ni miongoni mwa mabinti wanaotegemea kunufaika na kampeni hiyo na hapa anaelezea jinsi atakavyofaidika.

Sauti ya Lisa Chonya akielezea jinsi kampeni hii itakavyomsaidia

Shirika la Marie Stopes Tanzania limekuwa likitoa huduma za afya nchini kwa miaka mingi kupitia vituo vyake vya afya vilivyopo mikoa mbalimbali ikiwa ni pamoja na kuifikia jamii ya vijijini.