Akutwa akiwa amefariki katika msitu wa asili Kasulu

30 September 2026, 16:12

Wananchi wa eneo hilo wamewaomba wanajamii wenzao kujenga tabia ya kuwashirikisha watu wao wa karibu yale yanayowasibu  kuliko kuchukua hatua za kukatiza uhai wao

Na Emmanuel Kamangu

Mtu mmoja ambaye hajafahamika  anayekadiliwa kuwa na umri miaka 40 amekutwa amefariki katika msitu wa asili unaomilikiwa na dini ya Kiislamu BAKWATA uliopo mtaa wa Kisangani  kata ya Mwilamvya halmashauri ya mji wa kasulu.

Mtu huyo anayesadikiwa kujinyonga   amekutwa akininginia chini ya mti huku kamba aina ya manila ikiwa imeshikilia shingoni hali iliyozua taharuki  kwa majirani  wa eneo hilo na kutoa taarifa kwa jeshi la polisi kwa msaada zaidi.

Akizungumza na wananchi  mara baada ya kufika eneo la tukio,   Kaimu mkuu wa upelelezi wa makosa ya jinai wilayani kasulu Nsipector Sipelius Rweyemamu amewaomba wananchi hao kuendelea kutoa ushirikiano kwa jeshi la polisi  huku akiwasihi kuepuka kujichukulia sheria mkononi jambo linalogalimu nguvu kazi ya Taifa.

Aidha Mwenyekiti wa serikali ya mtaa wa Kisangani Bw, Yohana kwegeye akizungumza  na wananchi wa mtaa huo ambao wamejitokeza eneo la tukio amewaomba  kuendelea kusaidiana  kumtambua marehemu huku akiwasihi wamiliki wamaeneo ambayo hayajaendelezwa kuyaendeleza ili kupunguza vichaka vinavyoweza kuhatarisha usalama wa raia.

Kwa upande wao baadhi ya wananchi ambao wamejitokeza eneo la tukio  mmoja wao akiwa Bw. Yekonia Kibalumwe  wamewaomba wanajamii wenzao kujenga tabia ya kuwashirikisha watu wao wa karibu yale yanayowasibu  kuliko kuchukua hatua za kukatiza uhai wao.

Tukio hili limeibua simanzi kwa wananchi wa eneo la serikali ya mtaa wa kisangan kata ya mwilamvya  ingawa hatuna budi kukubali kuwa mwezetu ametutoka, Bwana alitoa  na Bwana ametwaa  jina lake libalikiwe.