Joy FM

DC Kigoma ataka wahitimu TIA kuwa wabunifu

20 November 2026, 15:52

Wahitimu wa chuo cha uhasibu Kampasi ya Kigoma wakati mahafali yao, Picha na Mwandishi wetu

Ubunifu unaweza kusaidia sana wahitimu wa vyuo vikuu kwa kuwapatia njia mpya za kujiajiri, kutatua changamoto za jamii na kujenga maisha bora badala ya kutegemea ajira za kuajiriwa pekee

Na Mwandishi wetu

Wakufunzi wanaohitimu katika taasisi ya uhasibu Tanzania TIA Mkoa wa Kigoma  wametakiwa wabunifu wabunifu ili kuendana mabadiliko ya sayansi na teknolojia kutokana soko la  ajira duniani kwani ulimwengu  unahitaji ubunifu kuliko masomo ya darasani.

Hayo yamebainishwa  na Mkuu wa Wilaya Kigoma Dkt. Rashid Chuachua kwa niaba ya Mkuu wa Mkoa Kigoma Balozi Simon Sirro katika mahafari ya 24 ya chuo cha uhasibu Tanzania ambayo yamefanyika katika chuo hicho kampasi ya Kigoma ambapo jumla ya wanachuo 587 wamemaliza Masomo katika fani mbalimbali.

Mkuu wa Wilaya Kigoma Dkt. Rashid Chuachua, Picha na Mwandishi wetu

Dkt. Chuachua amesema kuna kila sababu ya vijana wanaomaliza katika Chuo hicho kuwa chachu ya Maendeleo katika Mkoa wa Kigoma kutokana na Mkoa wa Kigoma kuwa kimkakati hivyo wanatakiwa kuchochea shughuli za kiuchumi na biashara kukua katika mkoa huo

Wahitimu wa chuo cha uhasibu Kampasi ya Kigoma wakati mahafali yao, Picha na Mwandishi wetu

Naye  Mtendaji Mkuu wa Chuo Cha Uhasibu Tanzania William Palangyo pamoja na mambo mengine amesema Serikali kukamilisha ujenzi wa chuo hicho kwa zaidi ya shilingi bilioni 11 wamesaidia kuongeza udahili wa Wanachuo wanaojiunga na Chuo hicho.

Baadhi ya wanachuo wamesema watahikikisha wanakuwa waaminifu katika jamii nakutumia elimu waliopita kuwa wabunifu nakuweza kushindana katika soko la ajira nakuweza kujiajiri wenyewe bila kutegemea ajira kutoka Serikalini