Storm FM
  Stream radio
Menu
Storm FM
  2. Michezo
  3. Yanga SC kutua kesho uwanja mpya wa Bukombe Geita

Yanga SC kutua kesho uwanja mpya wa Bukombe Geita

3 August 2026, 12:33 pm

Muonekano wa uwanja wa mpira wa Bukombe Mkoani Geita ambao Yanga watakwenda kuzindua wiki ya wananchi. Picha na Mrisho Sadick

Uwanja huo umejengwa kwa viwango vya kisasa na una miundombinu muhimu ikiwemo mfumo wa taa za kisasa. Eneo la kuchezea lina nyasi bandia zenye ithibati ya FIFA Daraja la Kwanza, lenye urefu wa mita 105 na upana wa mita 68.

Na Mrisho Sadick:

Klabu ya Yanga SC inatarajiwa kushiriki shamrashamra za Joto la Ligi Kuu zitakazofanyika Wilayani Bukombe mkoani Geita Agosti 4,2026 ikiwa ni sehemu ya utambulisho wa Uwanja mpya wa kisasa wa Bukombe utakaotumiwa na Geita Gold FC katika mechi za Ligi Kuu Tanzania Bara msimu wa 2026/2027.

Hiki ni chumba cha kubadilishia nguo wachezaji katika uwanja wa Bukombe. Picha na Mrisho Sadick

Akizungumza na waandishi wa habari, Mkuu wa Wilaya ya Bukombe, Paskas Muragili, amesema uwanja huo umejengwa na Halmashauri kwa kushirikiana na wadau mbalimbali. Amesema kuwa tarehe 4 Agosti 2026, Yanga SC imethibitisha kushiriki katika tamasha la Joto la Ligi Kuu, litakaloambatana na burudani mbalimbali zitakazoanza tangu asubuhi ya siku hiyo.

Muragili amesema uwanja huo una uwezo wa kuchukua zaidi ya watazamaji 5,000, ambapo zaidi ya 4,000 watakuwa wamekaa kwenye viti. Baada ya Yanga SC kufanya mazoezi katika dimba hilo na kutambulisha baadhi ya wachezaji wa kikosi chake, kutachezwa mechi ya kirafiki kati ya Geita Gold FC na Pamba Jiji FC ya Mwanza.

Sauti ya Mkuu wa Wilaya ya Geita