Storm FM
  Stream radio
Menu
Storm FM
  2. Uchumi
  3. GEDECO Tower inajengwa kwa mapato ya ndani Manispaa ya Geita

GEDECO Tower inajengwa kwa mapato ya ndani Manispaa ya Geita

15 May 2026, 5:39 pm

Muonekano wa juu wa Jengo linaloendelea kujengwa la GEDECO Tower. Picha na Mwandishi wetu

Halmashauri ya manispaa ya Geita inawezesha ujenzi wa mradi mkubwa wa GEDECO Tower ambao unatarajiwa kuongeza mapato na kuchochea maendeleo kwa wakazi wa Geita.

Na: Ester Mabula

Halmashauri ya Manispaa ya Geita imeanza rasmi ujenzi wa mradi mkubwa wa kitega uchumi cha GEDECO Tower utakaokuwa na ghorofa 8 ukigharimu kiasi cha jumla ya shilingi bilioni 13, ambapo ujenzi wake unatekelezwa kikamilifu kwa kutumia mapato ya ndani ya halmashauri.

Mkurugenzi wa manispaa ya Geita Ndg. Yefred Myenzi amesema ndani ya jengo hilo kutakuwa na huduma mbalimbali akisema mradi huo utakuwa chachu ya kuongeza uchumi kwa ujumla.

Sauti ya mkurugenzi manispaa ya Geita Ndg. Yefred Myenzi

Mkuu wa wilaya ya Geita Hashim Komba ameipongeza Halmashauri ya manispaa ya Geita kwa kuanzisha mradi huo akisema ukuaji wa manispaa unaendana sambamba na ukuaji wa uchumi wa wananchi.

Sauti ya mkuu wa wilaya ya Geita
Shuguli mbalimbali zikiendelea katika ujenzi wa mradi wa kitega uchumi manispaa ya Geita. Picha na Mwandishi wetu

Mstahiki Meya wa manispaa ya Geita Leonard Bugomola amesema lengo lao ni kukamilisha mradi mapema zaidi tofauti na matarajio ya miaka mitatu huku baadhi ya wananchi waliopata fursa ya vibarua katika mradi huo wameeleza namna ambavyo wananufaika,

Sauti ya Mstahiki Meya na wananchi

Kukamilika kwa mradi huu kutaleta faida kubwa ikiwemo kuongeza vyanzo endelevu vya mapato ya ndani kupitia kodi ya pango na kukuza biashara.

Muonekano wa juu shughuli zikiwa zinaendelea ujenzi wa mradi wa kitega uchumi. Picha na Mwandishi wetu