Storm FM
  Stream radio
Menu
Storm FM
  2. Elimu
  3. Diwani Kalangalala atoa madaftari kwa wanafunzi zaidi ya 600

Diwani Kalangalala atoa madaftari kwa wanafunzi zaidi ya 600

12 January 2026, 4:38 pm

Diwani Reuben Sagayika akitoa madaftari kwa mtoto aliyeambatana na mzazi wake. Picha na Ester Mabula

Zaidi ya wanafunzi 600 wamepewa madaftari na Diwani wa kata ya Kalangalala ikiwa ni mpango wa kuhakikisha wanafunzi wanakwenda shuleni bila kuwa na kikwazo cha ukosefu wa madaftari.

Na: Ester Mabula

Wananchi wa kata ya Kalangalala halmashauri ya manispaa ya Geita, mkoani Geita wametoa pongezi na shukrani kwa Diwani wa kata hiyo Reuben Sagayika kwa kuweza kuwasaidia madaftari pamoja na kalamu kwaajili ya kuanza muhula mpya wa masomo hapo kesho Januari 13, 2026.

Wakizungumza na Storm FM leo Januari 12, 2026,  Bi. Consolata  Lwanga na Yohanna Benjamin ambao ni wakazi wa kata hiyo wamesema hatua hiyo inalenga kuleta hamasa kwa wazazi kupeleka watoto shule huku wakiwaomba viongozi wengine kuiga mfano huo.

Sauti ya wananchi

Afisa Elimu kata ya Kalangalala  Bi. Regina Cosmas Ketau amesema mpango huo ulilenga kutoa madafatri kwa watoto 600 huku Afisa mtendaji wa kata ya Kalangalala Bw. Emmanuel Bomani akieleza kuwa  hatua hiyo ni endelevu ambayo inalenga kutoa motisha kwa wanafunzi kuendelea na masomo

Sauti ya Afisa elimu kata na Afisa mtendaji kata
Sehemu ya madaftari yaliyotolewa na Diwani kwa wanafunzi wakazi wa kata ya Kalangalala. Picha na Ester Mabula

Akizungumza na wazazi waliojitokeza katika zoezi hilo la ugawaji madaftari, Diwani Reuben Sagayika amesema mpango huo ni endelevu kwani dhamira yake ni kuendelea kutatua changamoto za wananchi wake.

Sauti ya Diwani wa Kalangalala
Baadhi ya wazazi na walezi waliojitokeza kwenye zoezi la ugawaji madaftari kwenye ofisi ya kata. Picha na Ester Mabula