Storm FM
  Stream radio
Menu
Storm FM
  2. Storm FM
  3. Geita
  4. Baraza la madiwani Geita lasimama dakika 1 kumpongeza mbunge Kanyasu

Baraza la madiwani Geita lasimama dakika 1 kumpongeza mbunge Kanyasu

12 November 2024, 7:30 pm

Madiwani wa halmashauri ya mji wa Geita wakitoa pongezi kwa Mbunge wa Jimbo Geita mjini. Picha na Mrisho Sadick

Msukumo alioufanya mbunge wa Jimbo la Geita mjini kwa serikali juu ya usambazaji wa umeme katika eneo hilo umewakosha madiwani nakulazimika kumpongeza.

Na Mrisho Sadick:

Baraza la madiwani la Halmashauri ya mji wa Geita Mkoani Geita limesimama kwa dakika moja kumpongeza Mbunge wa Jimbo la Geita mjini Mhe Constantine Kanyasu kwa Jitihada zake za kusaidia kufanikisha kusambaa kwa nishati ya umeme katika Jimbo hilo.

Wakizungumza katika kikao Cha robo ya kwanza ya mwaka wa fedha 2024/2025 Cha Halmashauri ya mji wa Geita baadhi ya madiwani wamempongeza Mbunge Kanyasu kwa kupambana kuhakikisha kila mtaa , kitongoji na Kijiji katika eneo hilo kinafikiwa na Nishati ya umeme hali ambayo imekuwa kichocheo kikubwa Cha Maendeleo.

Mbunge Kanyasu akiwa katika kikao cha baraza la madiwani halmashauri ya mji wa Geita. Picha na Mrisho Sadick

Licha ya pongezi hizo madiwani hao wameiomba serikali kuendelea kutoa Elimu kwa wananchi kuhusu gharama za maunganisho ya nishati hiyo hususani maeneo ya vijijini pamoja na kufikisha Nishati hiyo kwenye makazi ya watu ambao tayari wameshatandaza nyaya kwenye makazi yao kwa ajili ya kupata huduma hiyo.