Storm FM
  Stream radio
Menu
Storm FM
  2. Siasa
  3. Dkt. Jafari aahidi kuibeba ajenda ya halmashauri mpya

Dkt. Jafari aahidi kuibeba ajenda ya halmashauri mpya

18 October 2025, 3:52 am

Mgombea ubunge Jimbo la Busanda (CCM) Dkt. Jafari Rajabu akizungumza na wananchi (hawapo pichani). Picha na mwandishi wetu

Ni mchaka mchaka kuelekea uchaguzi mkuu unaotarajiwa kufanyika Oktoba 29 mwaka huu, ambapo mgombea wa Ubunge Jimbo la Busanda kwa tiketi ya CCM ameendelea kusaka kura kwa wananchi.

Na: Ester Mabula

Mgombea Ubunge wa jimbo la Busanda kupitia tiketi ya Chama Cha Mapinduzi (CCM), Dkt. Jafari Rajabu Seif, amewaomba wanachama na wananchi wa kijiji cha Ndelema, kata ya Kamena kujitokeza kwa wingi na kuichagua CCM katika uchaguzi mkuu unaotarajiwa kufanyika Oktoba 29.

Akizungumza Oktoba 17, 2025 katika mkutano wa kampeni uliofanyika katika tawi la CCM Ndelema, Dkt. Jafari amesisitiza kuwa ajenda ya kuanzishwa kwa halmashauri mpya ni moja ya kipaumbele chake kikuu atakachokibeba kwa nguvu zote endapo atachaguliwa kuwa Mbunge wa Busanda.

Baadhi ya wananchi na wanachama wa CCM wakimsikiliza Dkt. Jafari (hayupo pichani). Picha na mwandishi wetu

Aidha, amewahakikishia wananchi kuwa CCM itaendelea kushughulikia changamoto zinazowakabili wananchi wa Busanda, huku akitoa wito kwa wakazi wa Ndelema kujitokeza kwa wingi siku ya kupiga kura.

Sauti ya Dkt. Jafari Rajabu, mgombea ubunge (CCM) jimbo la Busanda
Baadhi ya wanawake wakiaangalia mfano wa karatasi ya kupigia kura mara baada ya kupewa elimu. Picha na mwandishi wetu
Mkutano wa kampeni ukiendelea uliofanyika katika kijiji cha Ndelema. Picha na mwandishi wetu