Storm FM
  Stream radio
Menu
Storm FM
  2. Siasa
  3. UVCCM (W) Geita waongoza mbio mapokezi ya Dkt. Samia

UVCCM (W) Geita waongoza mbio mapokezi ya Dkt. Samia

10 October 2025, 6:51 am

Mwenyekiti wa Umoja wa Vijana wa CCM wilaya ya Geita Naomi Fujo akizungumza na maafisa usafirishaji. Picha na Ester Mabula

Mgombea urais kwa tiketi ya CCM Dkt. Samia Suluhu Hassan anatarajiwa kufika mkoani Geita Oktoba 13, 2025 ikiwa ni mwendelezo wa kampeni za chama hicho.

Na: Ester Mabula

Umoja wa vijana wilaya ya Geita umeongoza mbio za picha ya mgombea urais wa chama hicho kwa lengo la kuwatangazia wananchi wa Geita juu ya ujio wa mgombea huyo wa Urais.

Akizungumza mwenyekiti wa UVCCM wilaya ya Geita Bi. Naomi Fujo amesema mbio hizo zitafanywa na maafisa usafirishaji ambao ni madereva boda boda pamoja na bajaji zitapita katika maeneo mbalimbali ili kuwaeleza wananchi juu ya ujio wa kiongozi wao wa chama.

Sauti ya mwenyekiti wa UVCCM wilaya ya Geita
Vijana wa UVCCM wakiwa na picha ya mgombea Urais pamoja na bendera katika zoezi la uzinduzi. Picha na Ester Mabula

Mwenyekiti wa umoja wa madereva bodaboda mkoa wa Geita Fred Fidel amesema kuwa wako tayari kuongoza mbio hizo huku akipongeza jitihada zilizofanywa na mgombea huyo katika kutatua changamoto zinazowakabili.

Sauti ya mwenyekiti wa madereva bodaboda mkoa wa Geita
Mgeni rasmi, mgombea ubunge (CCM) Jimbo la Geita mjini Chacha Wambura. Picha na Ester Mabula

Mgeni rasmi katika uzinduzi wa mbio hizo ambaye pia ni mgombea ubunge (CCM) wa jimbo la Geita mjini mhandisi Chacha Wambura amepongeza hatua hiyo na kuwasihi maafisa hao wa usafirishaji kuhakikisha wanafikisha ujumbe kama ilivyo kusudiwa.

Sauti ya mgeni rasmi, mhandisi Chacha Wambura
Msafara wa maafisa usafirishaji manispaa ya Geita katika uzinduzi wa mbio za picha. Picha na Ester Mabula