Storm FM
  Stream radio
Menu
Storm FM
  2. Siasa
  3. Faraji Seif apita nyumba kwa nyumba kuomba kura kwa wananchi

Faraji Seif apita nyumba kwa nyumba kuomba kura kwa wananchi

25 September 2025, 3:53 am

Mgombea udiwani kata ya Bukoli kwa tiketi ya CCM Faraji Seif akizungumza jambo na mwananchi. Picha na Ester Mabula

Mgombea udiwani kata ya Bukoli (CCM) Faraji Seif amewaomba wananchi wa kata hiyo kuendeleza imani na Chama cha mapinduzi kwa kuweza kuwachagua katika uchaguzi mkuu wa Oktoba 29, 2025.

Na: Ester Mabula

Mgombea wa udiwani kata ya Bukoli kupitia Chama Cha Mapinduzi (CCM), Faraji Rajabu Seif mapema Septemba 24, 2025 ameendesha zoezi la kuomba kura kwa kutembelea nyumba kwa nyumba katika tawi la Ikina.

Akiwa ameambatana na mabalozi wa nyumba kumi, Faraji amewaomba  wananchi kujitokeza kwa wingi Oktoba 29, 2025 na kuwapigia kura wagombea wa CCM katika uchaguzi mkuu.

Sauti ya mgombea udiwani kata ya Bukoli (CCM) Faraji Seif
Mabalozi wa nyumba kumi walioambatana na mgombea udiwani Faraji Seif. Picha na Ester Mabula

Zoezi hilo ni sehemu ya muendelezo wa kampeni za chama hicho, likiwa na lengo la kusambaza ujumbe wa mafanikio ya utekelezaji wa ilani ya CCM na kuwahamasisha wananchi kushiriki kikamilifu katika mchakato wa uchaguzi.

Baadhi ya wakazi wa Ikina wakimsikiliza mgombea udiwani (CCM) Faraji Seif (hayupo pichani). Picha na Ester Mabula