Storm FM
  Stream radio
Menu
Storm FM
  2. Storm FM
  3. Radi yaua wanafunzi 7 na kujeruhi 82 Bukombe mkoani Geita

Radi yaua wanafunzi 7 na kujeruhi 82 Bukombe mkoani Geita

28 January 2025, 10:15 am

Mkuu wa wilaya ya Bukombe akiwajulia hali wanafunzi waliojeruhiwa kutokana na ajali ya radi.

Januari 27, 2025 mvua iliyoambatana na radi imenyesha katika baadhi ya maeneo mkoani Geita na kupelekea athari mbalimbali ikiwemo vifo.

Na: Ester Mabula – Geita

Wanafunzi saba katika shule ya sekondari Businda iliyopo kitongoji cha Shikaliguga kata ya Ushirombo wilayani Bukombe mkoani Geita wamedaiwa kufariki dunia kutokana na mvua iliyoambatana na radi iliyonyesha Januari 27, 2025 katika baadhi ya maeneo mkoani Geita.

Baadhi ya wananchi waliojitokeza katika hospitali ya wilaya ya Bukombe walipolazwa wanafunzi.

Mkuu wa wilaya ya Bukombe Mhe. Paskas Muragili jana jioni Januari 27, 2025 alifika katika hospitali ya wilaya ya Bukombe ili kuwajulia hali majeruhi wa ajali hiyo ya radi ambapo alithibitisha wanafunzi saba kufariki dunia na wengine 82 kujeruhiwa.

Sauti ya mkuu wa wilaya Mhe. Paskas Muragili

Mbunge wa Jimbo la Bukombe ambaye pia ni Naibu Waziri Mkuu na Waziri wa Nishati, Mhe. Dkt. Doto Biteko ametoa pole kwa Wananchi wa Wilaya ya Bukombe Mkoani Geita kufuatia ajali ya radi iliyotokea Januari 27, 2025 katika kitongoji cha Shikaliguga kata ya Ushirombo wilayani Bukombe mkoani Geita.

Aidha, Dkt. Biteko ameelekeza Mkuu wa Wilaya ya Bukombe, Mkurugenzi Mtendaji wa Halmashauri na Ofisi ya Mbunge kufuatilia kwa karibu matibabu ya majeruhi wote na taratibu za mazishi ya wanafunzi hao walioaga dunia.