Storm FM
  Stream radio
Menu
Storm FM
  2. Storm FM
  3. Geita yazindua maonesho kuadhimisha wiki ya sheria

Geita yazindua maonesho kuadhimisha wiki ya sheria

25 January 2025, 3:26 pm

Muonekano wa banda la mawakili na mahakimu katika viwanja vya EPZA. Picha na Kale Chongela

Jumla ya mashauri 282 yalifunguliwa mwaka jana 2024 tangu kuanzishwa kwa mahakama kuu ya Tanzania masjala ndogo ya Geita.

Na: Kale Chongela – Geita

Jumla ya mashauri 282 yalifunguliwa mwaka jana 2024 tangu kuanzishwa kwa mahakama kuu ya Tanzania masjala ndogo ya Geita.

Hayo yamebainishwa na  Jaji mfawidhi wa Mahakama kuu ya Geita Mhe. Kelvin David Mhina leo Januari 25, 2025 baada ya hafla fupi ya uzinduzi wa wiki ya sheria iliyofanyika katika viwanja wa EPZA eneo la Bombambili manispaa ya Geita ambapo amesema miongoni mwa mashauri yaliyowasilishwa ni pamoja na migogoro ya ardhi.

Sauti ya Jaji mfawidhi Mhe. Kelvin David Mhina
Jaji mfawidhi wa Mahakama kuu ya Geita Mhe. Kelvin David Mhina.

Mkuu wa mkoa wa Geita Mhe. Martine Shigela ambaye alikuwa mgeni maalumu  katika uzinduzi huo wa wiki ya sheria  amewataka wananchi mkoani Geita kutumia vyema maonesho ya wiki ya sheria kwa kuwasilisha kero zao mbalimbali zinazohitaji ufafanuzi wa kisheria.

Sauti ya mkuu wa mkoa wa Geita Mhe. Martin Shigela
Mkuu wa mkoa wa Geita Mhe. Martin Reuben Shigela. Picha na Kale Chongela

Ikumbukwe kuwa maadhimisho ya wiki ya sheria kwa mwaka 2025  inaongozwa na kauli mbiu isemayo: Tanzania ya 2050 Nafasi ya Taasisi  zinazosimamia Haki ya madai katika kufika malengo makuu ya Dira ya Taifa ya maendeleo.