Storm FM
  Stream radio
Menu
Storm FM
  2. Storm FM
  3. Wananchi waeleza changamoto ujenzi wa barabara za TACTIC

Wananchi waeleza changamoto ujenzi wa barabara za TACTIC

7 January 2025, 10:56 am

Maji yaliotuwama kwenye shimo lililochimbwa na mkandarasi katika mtaa wa Mwatulole. Picha na Edga Rwenduru

Wananchi waeleza changamoto zitokanazo na matengezo na ujenzi wa barabara zenye urefu wa KM 17 kupitia mradi wa TACTIC unaofadhiliwa na benki ya dunia.

Na: Edga Rwenduru – Geita

Wananchi wanaoishi maeneo unapofanyika ujenzi wa mradi wa  barabara zenye urefu wa kilometa 17 kupitia TACTIC manispaa ya Geita wameiomba serikali kumuelekeza mkandarasi anayetekeleza mradi huo kufukia mashimo yaliyochimbwa wakati wa ujenzi wa kwani yanapelekea changamoto kwa wakazi hao.

Moja ya nyumba iliyobomoka kutokana na maji ya mvua yanayoelekezwa kwneye makazi ya watu. Picha na Edga Rwenduru

Wakizungumza na storm FM Januari 05, 2024 wamesema toka ujenzi wa barabara hizo uanze nyumba tisa tayari zimebomoka kutokana na maji ya mvua kuelekezwa kwenye makazi yao huku baadhi ya wanafunzi wa shule za msingi wakishindwa kuvuka baadhi ya maeneo kutokana na barabara kuwa na mashimo yaliyojaa maji.

Sauti ya wananchi

Diwani wa kata ya Nyankumbu John Lunyaba Mapesa amesema licha ya serikali kutoa fedha kwaajili ya ujenzi wa barabara hizo zenye urefu wa kilometa 17 changamoto ya kutokamilika kwa mradi huo inatokana na uzembe wa mkandarasi.

Sauti ya Diwani wa Nyankumbu

Mkuu wa wilaya ya Geita Hashim Komba amesema serikali hairidhishwi na uwezo wa mkandarasi na kuwaahidi wananchi kuchukua hatua za haraka ili kutatua changamoto hiyo.

Sauti ya mkuu wa wilaya ya Geita
Mmoja ya wananchi wakazi wa Mwatulole akizungumza mbele ya mkuu wa wilaya (Hayupo pichani). Picha na Edga Rwenduru