Storm FM
  Stream radio
Menu
Storm FM
  2. Storm FM
  3. CCM yalaani mtoto kuchomwa moto Kasota

CCM yalaani mtoto kuchomwa moto Kasota

13 December 2024, 1:57 pm

Mwenyekiti wa Jumuiya ya wazazi CCM mkoa wa Geita Lucas Mazinzi (kati) akiwa na baadhi ya viongozi wa CCM. Picha na Evance Mlyakado

Kufuatia tukio la mtoto Disemba 02, 2024 la mtoto kushambuliwa na kuchomwa moto na mama yake mzazi likatika kijiji cha Kasota wilayani na mkoani Geita, CCM mkoa wa Geita yalaani tukio hilo.

Na: Evance Mlyakado – Geita

Jumuiya ya wazazi ya chama cha mapinduzi CCM Mkoa wa Geita imelaani vikali tukio la mtoto mwenye umri wa miaka (9) kushambuliwa na kuchomwa moto kwa mafuta ya petrol na mama yake mzazi kwa madai ya kuiba shilingi 800 katika kijiji cha Kasota wilayani Geita.

Mwenyekiti wa Jumuiya hiyo mkoa wa Geita Lucas Mazinzi akiwa kwenye kikao cha baraza la jumuiya ya wazazi wilayani Nyangh’wale amesema amepanga kuzunguka mkoa mzima wa Geita kukutana na viongozi, wananchi na kamati za utekelezaji ili kuweka mikakati ya kukomesha vitendo vya ukatili

Sauti ya M/Kiti Jumuiya ya wazazi CCM mkoa wa Geita
Muonekano wa mtoto akiwa amelazwa hospitali baada ya kufikishwa mara baada ya kujeruhiwa. Picha na Evance Mlyakado

Mwenyekiti wa CCM wilayani Nyang’hwale Al haj Adam Mtole amesema kuwa CCM haitawafumbia macho watu wote wanaondelea kufanya vitendo vya ukatili katika jamii.

Sauti ya M/Kiti CCM wilaya ya Nyang’hwale

Kamanda wa polisi mkoa wa Geita SACP Safia Jongo alithibitisha kukamatwa kwa mwanamke huyo na kwamba taratibu za uchunguzi zaidi zinaendelea.

Sauti ya Kamanda wa polisi Geita SACP Safia Jongo
Baadhi ya wajumbe wa Jumuiya ya wazazi CCM wilaya ya Nyang’hwale wakiwa katika kikao cha baraza la Jumuiya hiyo. Picha na Evance Mlyakado