Abiria adaiwa kufariki kwenye bodaboda Inyala, Katoro

29 January 2025, 5:08 pm

“Tulipofika njia panda aliniambia anaona giza mbele yake na ghafla akalegea – Dereva”

Na: Ester Mabula – Geita

Mwanaume mmoja anayekadiriwa kuwa na umri wa miaka 35 amedaiwa kufariki dunia akiwa kwenye chombo cha usafiri aina ya pikipiki maarufu bodaboda katika kitongoji cha Inyala katika mamlaka ya mji mdogo wa Katoro halmashauri ya wilaya ya Geita.

Tukio hilo limetokea leo Januari 29, 2025 majira ya saa nane mchana.

Mwenyekiti wa kitongoji cha Inyala Bw. Elisha Maige akizungumza kwa njia ya simu na Storm FM ameelezea namna alivyopata taarifa juu ya tukio hilo.

Dereva wa pikipiki aliyekuwa amembeba marehemu Venance Dionizi anaeleza namna ambavyo mkasa huo umejitokeza.

Baadhi ya mashuhuda Lenard Ndukani na Grace Mabula wameeleza namna walivyoshuhudia tukio hilo.

Hata hivyo Jeshi la polisi limefika eneo la tukio na kuuchukua mwili kwaajili ya taratibu zaidi za kipolisi.