Inatisha, avunjika uti wa mgongo, aomba msaada

22 August 2024, 3:56 pm

Annastazia Jacob (22) mkazi wa kijiji cha Mabamba, kata ya Nyamigota ndani ya mamlaka ya mji mdogo wa Katoro wilayani na mkoani Geita anapitia maumivu makali na mateso baada ya kuanguka kutoka juu ya mti.

Na: Evance Mlyakado – Geita

Changamoto hiyo imesababisha ashindwe kutembea, kusimama wala kukaa kwa muda wa miaka miwili sasa na kushindwa kufanya shughuli za uchumi jambo ambalo limepeleka vidonda kwenye makalio yake baada ya kukaa kwa muda mrefu na kutoa haja kubwa na ndogo bila kujitambua.

Annastazia Jacob anahitaji msaada wa hali na mali kutoka kwako ili aweze kupata matibabu na kurejea katika hali yake ya kawaida kwani baada ya tatizo hilo alitelekezwa na mume wake Changia kupitia namba 0756397026.

Baba mlezi na dada wa Anastazia wamesema tangu kuumia kwake wamejitahidi kumpeleka katika matibabu mbalimbali ikiwemo dawa za asili kutokana na hali ngumu ya kiuchumi.

Baadhi ya viongozi wa eneo analoishi Annastazia wameiomba jamii na watanzania kuendelea kujitokeza kumsaidia katika matibabu yake.

TUMA MSAADA WAKO KUPITIA – 0756397026