Storm FM
  Stream radio
Menu
Storm FM
  2. Storm FM
  3. Wivu wa mapenzi wapelekea nyumba kuchomwa moto Mgusu

Wivu wa mapenzi wapelekea nyumba kuchomwa moto Mgusu

5 December 2024, 9:48 am

Muonekano wa nyumba iliyochomwa moto chanzo kikielezwa kuwa ni wivu wa mapenzi. Picha na Edga Rwenduru

Wivu wa mapenzi umeendelea kutajwa kuwa chanzo cha migogoro ya kifamilia ambayo inapelekea madhara mbalimbali ikiwemo uharibifu wa mali.

Na: Edga Rwenduru – Geita

Nyumba ya Michael Joseph Nzumbi mkazi wa mtaa wa Mgusu kata ya Mgusu wilayani na mkoani Geita imechomwa moto na mwanamke anaedaiwa kuwa ni mke wake huku chanzo cha tukio hilo kikiwa ni wivu wa kimapenzi

Tukio hilo limetokea Disemba 01, 2024 majira ya asubuhi wakati Michael Nzumbi akiwa kanisani ambapo alipigiwa simu na kupewa taarifa juu ya tukio hilo.

Sauti ya mmiliki wa nyumba

Akiendelea kuzungumzia tukio hilo ameiomba serikali na Jeshi la polisi kuchukua hatua za haraka kwa watu wanaokwamisha maendeleo kwa kufanya vitendo vya uvunjifu wa amani.

Sauti ya mmiliki wa nyumba
Michael Nzumbi, mmiliki wa nyumba iliyochomwa moto chanzo kikitajwa kuwa ni wivu wa mapenzi. Picha na Edga Rwenduru

Baadhi ya mashuhuda ambao ni majirani zake walioshiriki katika zoezi la kuzima moto na kuokoa baadhi ya mali, wameeleza kusikitishwa na tukio hilo ambapo wamefafanua namna lilivyoweza kujitokeza.

Sauti ya mashuhuda
Baadhi ya mali zilizofanikiwa kuokolewa kutokana na janga la moto baada ya nyumba kuchomwa. Picha na Edga Rwenduru

Viongozi wa eneo hilo akiwemo Balozi na Mwenyekiti wa mtaa wa mgusu, Emmanuel Mapalala walikuwa na haya ya kuelezea.

Sauti ya viongozi

Kamanda wa Jeshi la Polisi mkoani Geita SACP Safia Jongo amesema taarifa za tukio hilo zimefika ofisini kwake ambapo taratibu nyingine za ufatiaji zaidi zikiendelea.