Aliyeua kwenye fumanizi ashikiliwa na polisi Geita

7 November 2024, 4:42 pm

Jamii mkoani Geita imeendelea kukumbushwa kuacha kujichukulia sheria mkononi ili kuepusha madhara yanayojitokeza ikiwemo vifo vya baadhi ya watu.

Na: Evance Mlyakado – Geita

Kamanda wa jeshi la Polisi mkoa wa Geita, Safia Jongo amethibitisha kukamatwa kwa Athuman Baseka (39) fundi seremala mkazi wa Kamhanga wilayani Geita kwa kwa tuhuma za mauaji ya Faida Deus (34) mkazi wa kitongoji cha Mwamashiki kijiji na kata ya Bugarama na kuongeza kuwa taratibu za uchunguzi zikikamilika mtuhumiwa atafikishwa mahakamani.

Kwa upande wake mke wa marehemu Bi. Jesca Emmanuel ameeeleza jinsi walivyokuwa wakiishi na mume wake kabla ya umauti.

Baba wa marehemu Deus Lubitila Masalu ameiomba serikali kumchukulia hatua stahiki mtuhumiwa wa mauaji ya mtoto wake ili kukomesha vitendo vya namna hiyo kwenye jamii.

Kijana Faida Deus (34) aliuawa kwa kukatwa na kitu chenye ncha kali sehemu mbalimbali za mwili wake huku chanzo cha mauaji hayo kikitajwa kuwa ni wivu wa mapenzi katika tukio lililotokea usiku wa Oktoba 30, 2024 katika kijiji cha Bugalama wilayani na mkoani Geita.