Mazingira FM
  Stream radio
Menu
Mazingira FM
  2. Siasa
  3. CCM yazindua kampeni Bunda, yasema Rais Samia kamaliza kila kitu

CCM yazindua kampeni Bunda, yasema Rais Samia kamaliza kila kitu

22 November 2024, 1:29 pm

Bi Joyce Mang”o  ambaye ni mjumbe wa halmashauri kuu CCM taifa

“Wananchi kuna kila sababu ya kuwachagua viongozi wa CCM kwa kuwa serikali inayoongozwa na CCM imefanya mengi na yanaonekana kuanzia sekta ya Afya maji, barabara, umeme, elimu n.k” Bi Joyce Mang’o.

Na Adelinus Banenwa

Chama cha mapinduzi wilaya ya Bunda kimezindua rasmi kampeini za uchaguzi wa wenyeviti huku suala la kampeini za  amani  zikisisitizwa kipindi chote cha kampeini.

Baadhi ya wananchi waliyojitokeza kwenye ufunguzi wa kampeni za CCM Bunda

Mgeni rasmi katika uzinduzi huo Bi Joyce Mang”o  ambaye ni mjumbe wa halmashauri kuu CCM taifa amesema chama cha mapinduzi kina kila sababu ya kupigiwa kura za ndiyo katika mitaa, vijiji na vitongoji vyote kwa kuwa kupitia kwa mwenyekiti wake taifa  ambaye ni rais wa Jamuhuri ya muungano wa Tanzania Dkt Samia Suluhu Hassan amefanya kazi kubwa katika sekta zote za Elimu, Afya Maji na miundombinu ya  barabara na umeme.

Sauti ya Joyce Mang”o mjumbe wa halmashauri kuu CCM taifa
Mwenyekiti wa CCM wilaya ya Bunda Ndugu Abraham Mayaya Magese

Naye mwenyekiti wa CCM wilaya ya Bunda Ndugu Abraham Mayaya Magese amesema chama cha mapinduzi kimewapitisha watu makini ambao kinaamini watatekeleza majukumu yao watakapopewa dhamana ya kuongoza hivyo amewataka wananchi wote wilayani Bunda kuwachagua viongozi wanaotokana na chama hicho.

Sauti ya Mwenyekiti wa CCM wilaya ya Bunda Ndugu Abraham Mayaya Magese