Mazingira FM
  Stream radio
Menu
Mazingira FM
  2. Afya
  3. Mbunge Maboto akabidhi bima za afya kwa wazee 500 Bunda

Mbunge Maboto akabidhi bima za afya kwa wazee 500 Bunda

22 November 2024, 1:03 pm

Mbunge wa jimbo la Bunda mjini Mhe Robert Chacha Maboto akimkabidhi bima ya afya moja ya wazee mjini Bunda

hatua ya kuwakatia bima wazee hao ni sehemu ya ahadi yake aliyoitoa kuhakikisha mshahara wake wa ubunge unarudi kuwahudumia wananchi.

Na Adelinus Banenwa

Mbunge wa jimbo la Bunda mjini Mhe Robert Chacha Maboto amekabidhi bima za afya wazee wapatao 500 kutoka jimbo la Bunda mjini ambazo zitawahudumia zaidi ya wanafamilia 3,000 kutoka kaya za wazee hao.

Mhe Maboto amekabidhi bima hizo kwenye uzinduzi wa kampeini za uchaguzi wa wenyeviti serikali za mitaa kwa chama cha mapunduzi wilayani Bunda uliyofanyika leo Nov 21, 2024 katika viwanja vya CCM mjini Bunda.

Sauti ya mhe Maboto mbunge wa Bunda mjini

Aidha Mhe Maboto amesema hatua ya kuwakatia bima wazee hao ni sehemu ya ahadi yake aliyoitoa kuhakikisha mshahara wake wa ubunge unarudi kuwahudumia wananchi.

Moja ya wazee akitoa shukrani baada ya kupokea bima ya afya kutoka kwa Mhe mbunge wa Bunda mjini

mhe maboto amesema katika kipindi chote akiwa mbunge amekuwa akitoa vifaa vya shule kwa wanafunzi wanaoanza kidato cha kwanza, kidato cha sita ambao wanaishi katika mazingira magumu ambapo amehaidi kuendelea kuwahudumia wanafunzi wote wanaotoka kwenye mazingira magumu kupitia mshahara wa mbunge.