Changamoto ya maji, barabara na umeme kupatiwa ufumbuzi Bunda stoo

24 May 2024, 10:43 am

ukosefu wa maji, umeme na barabara kwenye eneo la kisiwani mtaa wa Idara ya maji na Kilimani kupatiwa ufumbuzi hivi karibuni.

Na Adelinus Banenwa

Mhe Flavian Chacha Nyamageko diwani kata ya Bunda stoo amefanya mkutano wa hadhara wa kusikiliza kero za wananchi kwenye mtaa wa Kilimani uliopo kata ya Bunda stoo ikiwa ni sehemu ya mwendelezo wa ziara yake kwenye mitaa yake.

Katika ziara hiyo wananchi wamezitaja changamoto mbalimbali ikiwemo maji, barabara, umeme, upimaji wa viwanja miongoni mwa changamoto zingine.

Katika majibu yake mhe diwani Flavia Chacha amesema suala la barabara lilichelewa kutokana na mvua zilizokuwa zinanyesha lakini kutokana na mvua kuisha muda wowote barabara hizo zitaanza kulimwa kwa kiwango cha changalawe na tayari mkandarasi yupo.

Kwenye changamoto ya maji Mhe Flavian amesema tayari amewasiliana na mkurugenzi wa maji Bunda na ndani ya siku chache huduma itakuwa inawafikia.