Mpanda FM
  Stream radio
Menu
Mpanda FM
  2. KILIMO
  3. BBT yawanoa vijana 215 kilimo chenye tija Mwamkulu

BBT yawanoa vijana 215 kilimo chenye tija Mwamkulu

6 November 2026, 10:59 am

Wanufaika wa mradi wa BBT, viongozi na wakufunzi picha ya pamoja. Picha na Betord Chove

“tumeleta hapa Mwamkulu kwasababu kuna skimu kubwa ya umwagiliaji“

Na. Betord Chove

Jumla ya wanawake na vijana  215 wanatarajiwa kunufaika na mafunzo ya miezi miwili ya jenga kesho iliyo bora BBT katika kata ya Mwamkulu manispaa ya Mpanda mkoani Katavi.

Akizungumza katika uzinduzi wa mafunzo hayo kaimu mkurugenzi wa manispaa ya Mpanda Gwalusajo Kapande amesema lengo la mafunzo hayo ni kuwafikia vijana na wanawake ili waweze kujikita katika kilimo ili kuboresha uchumi wao na taifa kwa ujumla.

Sauti ya kaimu mkurugenzi

 Mgeni rasmi Akizungumza katika halfa ya ufunguzi wa mafunzo hayo katibu tawala wa wilaya ya Mpanda  Juma Njelu kwa niaba ya mkuu wa wilaya ya Mpanda Jamila yusuph Ameielekeza idara ya kilimo mifugo na uvuvi kuandaa utaratibu wa kutoa ushauri ili kilimo wanachofanya kiweze kuleta tija.

Sauti ya mgeni rasmi

 Kwa upande wao wakulima washiriki wa mafunzo hayo wameshukuru kwa fursa hiyo ambayo itawasaidia kuongeza  uzalishaji katika  kilimo chao na kuomba serikali kuendelea kuleta vitendea kazi katika sekta ya kilimo.

Sauti ya wanufaika

Mradi wa BBT { Jenga Kesho Iliyo Bora} ni programu ya kitaifa ya Serikali ya Tanzania inayolenga kuwawezesha vijana na wanawake kiuchumi kupitia sekta za kilimo, mifugo, na uvuvi kibiashara  na Mradi huu unatekelezwa kwa ushirikiano wa wizara mbalimbali (ikiwemo Wizara ya Kilimo na Wizara ya Mifugo na Uvuvi) kwa ufadhili wa Serikali na wadau.