Mpanda FM
Mpanda FM
19 November 2026, 10:43 am

“tumekua na matukio mbalimbali ambayo yaligusa jamii na wanawake kwa ujumla lakini hili litakua zaidi ya yote“
Na. Restuta Nyondo
Wanawake mkoani Katavi wametakiwa kujiboresha katika sekta mbalimbali kupitia kwa wanawake waliofanikiwa kwa kuchukua hatua zenye tija ili kujiimarisha kiuchumi,kifamilia na jamii.
Hayo yamesemwa na mwanzilishi wa jukwaa la wanawake wa thamani Katavi Worth women Bi. Leah Gawaza wakati akizungumza na waandishi wa habari katika ukumbi wa manspaa ya Mpanda kuhusu tukio la chukua hatua linalotarajiwa kufanyika tarehe 28 November mwaka huu.

Leah ametoa wito kwa wanawake kujitokeza kwa wingi kushiriki katika tukio hilo muhimu ambalo pia litajikita katika kutoa tuzo kwa wanawake waliofanya vizuri katika sekta zao kwa mwaka 2026 na kutoa mitaji kwa wanawake 10 wanaoishi katika mazingira magumu ili waweze kujiinua kiuchumi.
Baadhi ya wanawake walioshiriki katika kikao hicho wamesema kuwa wamekua wakinufaika na jukwaa hilo kupitia elimu wanayopata,kutangaza biashara zao na kupata fursa mbalimbali.
Hili ni tukio la 7 tangu kuanzishwa kwa jukwaa la Katavi Worth Women mwaka 2022 ambapo mpaka sasa lina zaidi ya wanawake 1500 kila mwaka limekua likibeba dhima mbali mbali na mwaka 2026 linaongozwa na dhima isemayo CHUKUA HATUA.
