DC Bunda: Usipange kukosa Bunda Nyama choma Festival

7 November 2024, 8:56 pm

Mkuu wa wilaya ya Bunda amewataka wakazi wote wa Bunda kushiriki kikamilifu katika tamasha hilo maana linazo fursa nyingi za kiuchumi kuanzia kwa wafanyabiashara hadi bodaboda.

Na Adelinus Banenwa

Mkuu wa wilaya ya Bunda Dkt Vicent Naano amewataka  wakazi wote wa Bunda na viunga vyake kufika bila ya kukosa kwenye tamasha la Bunda Nyama choma Festival linalotarajiwa kufanyika Nov 8 2024 katika viwanja vya stendi ya zamani mjini Bunda.

Akizungumza kwenye kipindi cha Duru za habari kupitia studio za radio Mazingira fm Mhe Naano amesema tamasha hilo lengo lake kuu ni kuhamasisha wananchi kushiriki uchaguzi serikali za mitaa na kutangaza  ubora wa nyama ya mkoa wa Mara .

Aidha Mhe mkuu wa wilaya amesema tamasha hilo litakuwa na shughuli mbalimbali  kama vile burudani ya muziki, ngoma za asili mashindano ya kula nyama, kula ma-apple miongoni mwa matukio mengine

Katika ujumbe wake amewataka wakazi wote wa Bunda kushiriki kikamilifu katika tamasha hilo maana linazo fursa nyingi za kiuchumi kuanzia kwa wafanyabiashara hadi bodaboda.

Ikumbukwe kuwa tamasha hilo la Bunda nyamachoma Festival mgeni rasmi anatarajiwa kuwa mkuu wa mkoa wa Mara Mhe Kanal Evance Mtambi.