CCM Nyasura wawapamba wagombea kurejesha fomu

31 October 2024, 3:01 pm

Mwenyekiti wa CCM kata ya Nyasura asema makundi yote yaliyokuwepo kwenye kura za maoni yalishavunjwa awataka wanachama kujitokeza kwenye mikutano na kupiga kura atoa rai kwa vyama vya siasa kufanya kampeini za kistaarabu.

Na Adelinus Banenwa

Waliochukua fomu za kugombea nafasi za uwenyekiti wa mitaa na wajumbe CCM kata ya Nyasura wazilejesha kwa kishindo waomba kampeni za kistaraabu.

Wakizungumza wakati wa urejeshaji wa fomu hizo wametoa rai kwa vyama vyote vinavyoshiriki uchaguzi huo wa serikali za mitaa kufanya kampeini za kistaarabu zisizokuwa na matusi wala ugomvi.

Ni jumla ya wagombea uwenyekiti sita na wajumbe 30 kupitia chama cha mapinduzi CCM waliochukua fomu Oct 28 2024, kwenye mitaa inayounda kata ya Nyasura ambayo ni Nyasura A, B, C ,D, Zanzibar na Makumbusho leo Oct 31 Oct 2024 wamerejesha fomu hizo huku wakiwa wamesindikizwa na idadi kubwa ya wafuasi wao.

Naye mwenyekiti wa CCM kata ya Nyasura ndugu Marco Mabula amesema kwa upande wa chama kilimaliza kazi yake na kinaamini wanachama waliopitishwa wote wanazosifa na leo wameamua kuwasindikiza kulejesha fomu ili baadaye wajiandae kuelekea kwenye kampeini kisha uchaguzi.

Kuhusiana na makundi ndugu Mabula amesema baada ya uchaguzi makundi yote yalivunjwa na kuwa kitu kimoja hivyo ametoa rai kwa wanachama na wananchi wote kujitokeza kwa wingi kwenye mikutano ya kampeini ili kusikiliza sera za vyama na kisha tarehe 27 Nov 2024 waende kupiga kura kumchagua kiongozi anayefaa.