Arusha na Manyara zanufaika na nishati  Jadidifu

9 November 2026, 4:27 pm

Mradi wa nishati Jadidifu  wa Kakute wawanufaisha wanufaika 320 kupitia mradi unaolenga kuboresha upatikanaji wa huduma za nishati  katika jamii

Na Diana Juma

Taasisi ya  Kakute Projects imewafikia wanufaika 320 katika wilaya  za Babati na Monduli mkoani Manyara  pamoja na Arusha, kupitia mradi wa nishati jadidifu unaolenga kuboresha upatikanaji wa huduma za nishati katika jamii  ambazo hazijafikiwa kikamilifu na huduma za umeme.

Akizungumzia  utekelezaji wa mradi huo, Afisa  mradi wa Restore kutoka Kakute Projects, Jumanne Sasita, amesema Taasisi hiyo inatumia teknolojia mbalimbali zikiwemo majiko banifu, mifumo ya nishati ya jua pamoja na pampu za maji zinazotumia nishati ya jua ili kurahisisha shughuli za wananchi.

Aidha, Sasita  amesema  miongoni  mwa mafanikio ya mradi huo ni kuwajengea vijana uwezo wa kitaaluma kupitia mafunzo ya ufundi wa mifumo ya nishati ya jua pamoja na kuwapatia  ujuzi wa kutengeneza majiko banifu.

Amesema hatua hiyo inalenga kuwawezesha vijana kujiajiri na kutumia ujuzi walioupata kutoa huduma katika jamii zao, na  ikichochea matumizi ya nishati safi na endelevu.