FM Manyara
  Stream radio
Menu
FM Manyara
  2. Kilimo
  3. Wananchi Manyara wahimizwa kushiriki maonesho ya 32 ya nane nane kanda ya kaskazini

Wananchi Manyara wahimizwa kushiriki maonesho ya 32 ya nane nane kanda ya kaskazini

21 July 2026, 4:41 pm

Picha ya mkuu wa mkoa wa Manyara Queen Sendiga

Wananchi mkoani Manyara wametakiwa kushiriki Maonesho ya 32 ya Nane Nane Kanda ya Kaskazini yanayotarajiwa kufanyika katika Viwanja vya Njiro, mkoani Arusha, ili kujionea teknolojia mbalimbali za kilimo na mifugo pamoja na fursa zinazopatikana katika sekta hizo.

Na Mzidalfa Zaid

Wito huo umetolewa leo na Mkuu wa Mkoa wa Manyara, Queen Sendiga, wakati akizungumza na waandishi wa habari ofisini kwake. Amesema wakulima, wafugaji na wadau wengine wanaotaka kushiriki maonesho hayo wanapaswa kujisajili mapema ili kukamilisha taratibu za ushiriki.

Sauti ya Mkuu wa Mkoa wa Manyara, Queen Sendiga

Kwa upande wake, Kaimu Katibu Tawala wa Mkoa wa Manyara anayeshughulikia Idara ya Huduma za Uchumi na Uzalishaji, Faraja Ngerageza, amesema kaulimbiu ya Maonesho ya Nane Nane mwaka 2026 ni: “Tambua Soko, Ongeza Tija, Tekeleza Dira ya Taifa ya Maendeleo 2050.”

Sauti ya Kaimu Katibu Tawala wa Mkoa wa Manyara anayeshughulikia Idara ya Huduma za Uchumi na Uzalishaji, Faraja Ngerageza
Picha ya Kaimu Katibu Tawala wa Mkoa wa Manyara anayeshughulikia Idara ya Huduma za Uchumi na Uzalishaji, Faraja Ngerageza