FM Manyara
  Stream radio
Menu
FM Manyara
  2. Dini
  3. Mwamposa amtembelea mkuu wa mkoa Manyara

Mwamposa amtembelea mkuu wa mkoa Manyara

17 September 2026, 9:43 pm

Picha ya mkuu wa mkoa wa Manyara Martine Shigela( kulia) pamoja na mtume Bonifas Mwaposa(kushoto)

Mwamposa awaombea viongozi na wananchi wa manyara, atoa wito wa ushirikiano.

Na Mzidalfa Zaid

Mtume Bonifasi Mwamposa amefika katika Ofisi ya Mkuu wa Mkoa wa Manyara na kutoa baraka kwa Mkuu wa Mkoa Martin Shigela, pamoja na watumishi wa ofisi hiyo.

Akizungumza wakati wa ziara hiyo, Mtume Mwamposa amewaombea viongozi na watumishi wa Mkoa wa Manyara, huku akisisitiza umuhimu wa kuendelea kushirikiana katika kuwahudumia wananchi na kutekeleza majukumu ya maendeleo.

Sauti ya Mwamposa

Aidha, Mtume Mwamposa ameuomba Mkoa wa Manyara kutenga maeneo makubwa ya wazi yatakayoweza kutumika kwa shughuli mbalimbali za serikali na shughuli za kijamii, hatua ambayo amesema itasaidia kurahisisha utoaji wa huduma kwa wananchi.

Picha ya watumishi wa ofisi ya mkuu wa mkoa wa Manyara pamoja na Mtume Bonifas Mwaposa

Kwa upande wake Mkuu wa Mkoa wa Manyara, Martin Shigela, amemshukuru Mtume Mwamposa kwa kufika ofisini hapo na kuwaombea viongozi pamoja na watumishi wa Mkoa, akieleza kuwa baraka na maombi ni sehemu muhimu katika kuwatia moyo watumishi katika kutekeleza majukumu yao.