Mwanamke afariki kwa kuungua moto Mbeya

22 July 2025, 12:52

Katika hali ya kushangaza mwanamke mmoja amekutwa amefariki ndani katika tukio linalodhaniwa chanzo ni mgogoro wa ardhi.‎‎

Na Deus Mella

Mwanamke mmoja ajulikanaye kwa jina la Luth Mtawa mkazi wa mtaa wa Majengo B kata ya Kalobe mkoani Mbeya amekutwa amefariki kwa moto ndani ya nyumba yake huku chanzo cha moto huo bado hakijajulikana.‎‎

Tukio hilo limetokea limetokea usiku wa kuamkia leo julai 22, 2025.

‎‎Baadhi ya mashuhuda wanasema hili ni tukio la kushangaza na limeleta taharuki kubwa kwao.‎‎

Nae mwenyekiti wa mtaa wa Majengo B amesema hili ni tukio la pili kutokea ndani ya mtaa wake huku akiwataka wananchi kuwa watulivu kipindi hiki ambacho uchunguzi unaendelea kuhusu tukio hilo.‎‎

Tayari jeshi la Zima moto na uokoaji wamefika katika eneo la tukio na kuchukua mwili wa marehemu kwa ajili ya uchunguzi.