Baraka FM
  Stream radio
Menu
Baraka FM
  2. Dini
  3. Kanisa la Moravian jimbo la Iringa lapata viongozi wapya

Kanisa la Moravian jimbo la Iringa lapata viongozi wapya

13 January 2026, 13:37

Baadhi ya viongozi wa kanisa la Moravian Tanzania(kulia)ni askofu Kenan Panja wa KMT-JK(wa tatu kulia)ni askofu Robert Pangani wa KMT-JKM(wa tatu kushoto)askofu kiongozi KMT-JKM na askofu KMT-Rukwa (wapili kushoto)Katibu mkuu KMT.

Kanisa la Moravian Tanzania Jimbo la misheni Iringa limepandishwa hadhi kutoka kuwa jimbo la misheni Iringa na kuwa jimbo kamili litakaloitwa kanisa la Moravian Tanzania jimbo la Iringa.

Na Hobokela Lwinga

Mkutano mkuu wa siondi ya kwanza kanisa la Moravian Tanzania jimbo la Iringa umemchagua mchungaji Bora Benjamin msola kuwa Mwenyekiti wa jimbo hilo.

Katika mkutano huo uliosimamiwa na askofu mlezi wa jimbo hilo ambaye ni askofu wa kanisa la Moravian Tanzania jimbo la kusini magharibi mch.Robert pangani amemtangaza mch.Msola kuwa mwenyekiti kwa kupata kura  48 kati ya kura 53.

Mwenyekiti mteule Kanisa la Moravian Tanzania jimbo la Iringa mchungaji Bora Msola

katika hatua nyingine mkutano huo umemchagua mchungaji  Nsangalufu Katule kuwa makamu mwenyekiti wa Jimbo La Iringa Kanisa La Moravian.

Makamu mteule wa kanisa la Moravian Tanzania jimbo la Iringa

Mkutano huo pia umewachagua wajumbe wengine wa halmashauri kuu ya jimbo wakiwemo wenyeviti wa wilaya tatu za kanisa za Iringa,Mafinga Na Makambako kwa lengo kuimarisha utendaji kazi ya Mungu ndani ya kanisa huku nafasi ya katibu mkuu ikiachwa wazi kwani ni nafasi ya kuajiriwa.

Baadhi ya wajumbe wateule kanisa la Moravian Tanzania jimbo la Iringa

Kabla ya kuanza kwa uchaguzi askofu wa kanisa la Moravian Tanzania Jimbo La Kusini Askofu Kenan Panja aliwataka wajumbe kuruhusu haki ya mungu itawale ili kanisa lipate viongozi wenye hofu ya Mungu.

Wenyeviti wa majimbo ya kanisa la Moravian Tanzania (kushoto) ni Mch. Lawrance Nzowa mwenyekiti wa kanisa la Moravian jimbo la Mbozi mkoani Songwe.

Jumla  ya wajumbe 53 wakiwepo wachungaji kutoka katika shirika 23 zinazounda kanisa Moravian Tanzania Jimbo La Iringa wameshiriki mkutano mkuu wa kwanza wa jimbo hilo unaofanyika kila baada ya miaka mitano.

Baadhi ya wenyeviti wa majimbo (kulia)ni mchungaji Paul Mwambalaswa wa kanisa la Moravian Tanzania jimbo la kusini magharibi