Askofu mteule mch.Pangani,tambueni namna nzuri kuongoza waumini wenu

11 May 2024, 11:12

Wachungaji hao na wake zao wanapaswa kutoa ushirikiano kwenye jamii kutoana na mchango wao wa kusaidia kuwajenga watu kiimani hali hiyo inatajwa kuwa kichocheo cha amani na utilivu.

Na Deusi Mellah

Wachungaji kanisa la Moravian Jimbo la kusini Magaharibi wametakiwa kupambanua mambo wanapowaongoza wakristo wao hasa katika kipindi hiki cha ukuaji wa uchumi na ukuaji wa utandawazi kwa ujumla.

Wito huo umetolewa na askofu mteule wa kanisa la Moravian Tanzania jimbo la kusini magharibi mch Robert Pangani Wakati wakati akizungumza katika semina ya wachungaji na wake katika ukumbi wa wilaya uliopo eneo la Isyesye jijini Mbeya.

Askofu mteule Pangani amesema wao kama kanisa watakuwa wanaitisha semina mbalimbali za kuhakikisha wachungaji wanafanikiwa katika njanja zote kiuchumi na kiroho.

Kwa upande wake mwenyekiti wa kanisa la Moraviani wilaya ya Mbeya mch Osia Mbotwa amesema lengo la semina hiyo ni kukumbushana na wachungaji yale yanayowapasa katika utumishi wao.