Ajiua kwa kujirusha kwenye tairi la fuso Mbeya

3 May 2024, 14:35

Maisha ya binadamu yanapopatwa na msongo wa mawazo yamekuwa yakisababisha wengine kuchukua maamzi magumu ya Kujiondoa uhai kwa baadhi ya watu wanaokuwa wanaukosa kutoka kwa watu wao wa karibu.

Na Yuda Joseph

Mtu mmoja ambaye jina lake halijafamika amefariki dunia papohapo baada ya kukanyagwa na gurudumu la nyuma la gari la mizigo lenye namba za usajili T 533 DLN aina Fuso katika mteremko wa Simike Jijini Mbeya lilokuwa likitokea Dar es Salaam kuelekea Mamlaka ya Mji mdogo wa Mbalizi mkoani Mbeya barabara Kuu ya Mbeya Tunduma.

Mashuhuda wa ajali hiyo wamesema mtu huyo alijirusha wakati gari hilo likiwa katika mwendo wa kawaida huku dereva wa gari akieleza kuwa hakuona kitu akiwa anaendelea na safari ghafla alishuhudia anafuatiliwa na dereva wa bodaboda akimueleza kuwa amekanyaga mtu.

Katika hatua nyingine mashuhuda wa tukio hilo wameiomba serikali kupanua barabara hiyo kwa haraka ili kuepusha ajali ambazo zimekuwa zikijitokeza katika eneo hilo.

Juhudi za kumtafuta kamanda wa polisi mkoa wa Mbeya zinaendelea ili kuthibitisha tukio hilo.