Wadau waombwa kusaidia watoto wenye uhitaji

26 March 2024, 19:03

Katika ulimwengu huu hakuna anayejua kesho yake hivi ndivyo unaweza kusema baada ya baadhi ya watoto kujikuta wapo kwenye mazingira magumu baada ya kupoteza wazazi.

Na Ezra Mwilwa

Wadau mbalimbali wameomba kujenga tabia ya kutembelea wahitaji mbalimbali na watoto yatima kwa kuwapatia Mahitaji yatakayowaondolea changamoto zinazowakabili.

wito huo umetolewa na mkurugenzi wa kituo cha watoto yatima na mahitaji maalumu cha Amani nsalaga kilicho chini ya kanisa la Moravian jimbo la kusini Magharibi Mch. Elizabeth Nampasa Wakati akiwapokea wadau mbalimbali walifika kuwaona wahitaji hao.

Mch. Nampasa ameongeza kuwa kama kituo wanamradi wa shamba la palachichi Mkoa wa Njombe hivyo wanaomba wadau kuwaunga mkono kwaajili ya kuuendeleza mradi huo.

Nao baadhi ya wadau walio fika katika kituo hicho kutoka maeneo mbalimbali wamesema ni vizuri kutengeneza tabia ya kutembelea wahitaji mbalimbali.

Nao baadhi ya watoto walio patiwa msaada huo wametoa shukrani zao na kuahidi kuendelea kuwaombea watu wanaofika kituoni hapo.