Zenj FM
  Stream radio
Menu
Zenj FM
  2. Jeshi la Polisi Zanzibar kutumia vifaa vya kidijitali

Jeshi la Polisi Zanzibar kutumia vifaa vya kidijitali

27 November 2023, 3:54 pm

Kamishna wa Polisi Zanzibar CP. Hamad Khamis Hamad Akifungua mafunzo ya Mfumo wa kutoa taarifa kidigitali, kwa Wakaguzi wa Shehia Mikoa ya Zanzibar. Picha na Omar Hassan.

Na Omary Hassan

Kamishna wa Polisi Zanzibar CP. Hamad Khamis Hamad amesema Utendaji wa kusimamia Sheria wa Jeshi la Polisi lazima ubadilike kwa kujikita katika matumizi ya taaluma na vifaa vya kisasa ili kukabiliana na mabadiliko ya Sayansi na Teknolojia yanaoendana na mabadiliko ya ufanyaji wa uhalifu.

Akifungua mafunzo ya Mfumo wa kutoa taarifa kidigitali, kwa Wakaguzi wa Shehia Mikoa ya Zanzibar, hapa Ukumbi wa Chuo cha Polisi Zanzibar amesema mafunzo hayo yatarahisisha upatikanaji wa taarifa za uhalifu haraka na kufanyiwa kazi kwa wakati.

Sauti ya Kamishna wa Polisi Zanzibar CP. Hamad Khamis Hamad

Nae Mrakibu wa Polisi Kutoka Makao Makuu ya Polisi Dodoma Dkt Ezekiel Kyogo, amesema kuwa Matumizi ya Technolojia kwa Watendaji wa Jeshi laPolisi ni muhimu na yatasaidia kutoa huduma bora za kipolisi kwa wananchi.

Sauti ya Mrakibu wa Polisi Kutoka Makao Makuu ya Polisi Dodoma Dkt Ezekiel Kyogo.

Ali Shaibu mwakilishi wa Shirika la Maendeleo la Umoja wa Mataifa UNDP amesema Shirika hilo linasaidia Mafunzo na Vifaa kwa Jeshi la Polisi ili kuzuwia uhalifu na kuendeleza Amani nchini Tanzania.

Sauti ya Mwakilishi wa Shirika la Maendeleo la Umoja wa Mataifa UNDP  Ali Shaibu.

Pamoja na Mafunzo hayo pia Shirika la UNDP pia limesaidia vifaa vya mawasiliano vikiwemo Komputa pamoja na simu vitakavyotumika kukusanya taarifa katika Shehia mbalimbali.