Nuru FM
  Stream radio
Menu
Nuru FM
  2. Kilimo
  3. Vijana Iringa wahimizwa kuwekeza katika kilimo

Vijana Iringa wahimizwa kuwekeza katika kilimo

2 August 2025, 7:25 am

Mkuu wa Idara ya Maendeleo ya Jamii wa Halmashauri ya Wilaya ya Iringa Saumu Kweka akizungumzia kuhusu kilimo kwa vijana. Picha na Godfrey Mengele.

Sekta ya kilimo imetajwa kuwa sekta muhimu jambo linalopelekea vijana kutakiwa kuwekeza huko.

Na Godfrey Mengele

Vijana Mkoani Halmashauri ya Wilaya ya Iringa wamehimizwa kuwekeza nguvu katika kilimo ili kujikwamua kiumchumi na kufikia malengo yao.

Wito huo umetolewa na Mkuu wa Idara ya Maendeleo ya Jamii wa Halmashauri ya Wilaya ya Iringa Saumu Kweka katika Warsha iliyowakutanisha vijana iliyoandaliwa na Mradi wa YEFFA (Youth Empowerment for Food and Farming Advancement) unaotekelezwa na shirika la RUCODIA kwa ufadhili wa AGRA (Alliance for a Green Revolution in Africa), ikiwa na lengo la kuwaelimisha kuhusu fursa ya mikopo ya halmashauri, upatikanaji wa pembejeo bora na masoko ya mazao yao.

Sauti ya Saumu Kweka

Kwa upande wake Afisa Maendeleo ya vijana Mkoa wa Iringa Atilio Mganwa amesema kuwa Sera ya maendeleo ya Vijana na Sera ya Serikali kwa ujumla imeweka mazingira mazuri kwa wadau mbalimbali wanaosaidia vijana ili kusaidia kundi hilo kufikia malengo yao.

Sauti ya Mgangwa

Meneja Mradi wa YEFFA (Youth Empowerment for Food and Farming Advancement) Jackson Jasson, amewataka vijana Mkoani Iringa kukitazama kilimo kama biashara halali na yenye uwezo wa kubadili maisha yao endapo watajiandaa kifikra na kitaalamu.

Sauti ya Meneja Mradi

Mradi wa YEFFA unatekelezwa na shirika la RUCODIA kwa ufadhili wa AGRA (Alliance for a Green Revolution in Africa), ukiwa na lengo la kuwafikia vijana zaidi ya 54,000 katika mikoa ya Iringa, Njombe na Songea.