Nuru FM
  Stream radio
Menu
Nuru FM
  2. Ardhi
  3. Wananchi Kilolo wapewa elimu ya matumizi bora ya ardhi kupunguza migororo

Wananchi Kilolo wapewa elimu ya matumizi bora ya ardhi kupunguza migororo

25 February 2025, 12:26 pm

Viongozi wa tume ya Taifa ya Mpango wa matumizi ya ardhi wakitoa elimu kuhusu matumizi Bora ya ardhi. Picha na Adelphina Kutika

Na Adelphina Kutika

Tume ya Taifa na Mpango wa Matumizi ya Ardhi imeanzisha mchakato wa kuandaa mpango wa matumizi bora ya ardhi katika kijiji cha Iwungi, kilichopo katika kata ya Uhambingeto, Halmashauri ya Wilaya ya Kilolo, mkoani Iringa.

Akizungumza na wananchi katika mkutano wa hadhara, Msimamizi wa Zoezi la Kuandaa Mpango wa Matumizi ya Ardhi, Emmanuel Magembe, amesema kuwa lengo kuu la mpango huo ni kuhifadhi chanzo cha maji cha bwawa la Mwalimu Nyerere, sambamba na kutoa fursa kwa wananchi wa kijiji hicho kuelezea changamoto zinazowakumba, ikiwemo migogoro ya ardhi.

Sauti ya Magembe

Afisa Mtendaji wa Kata ya Uhambingeto, Jumanne Khalid Tembo, alisema kuwa mpango huo umeongeza urahisi katika kupata maeneo ya maziko, ambapo awali walikuwa wakikumbana na changamoto kubwa ya ukosefu wa maeneo rasmi ya maziko.

Sauti ya Mtendaji

Wananchi wa Kijiji cha Iwungi pia wameonyesha kuridhika na mpango huo huku wakieleza kuwa umeondoa migogoro ya ardhi hasa kati ya wakulima na wafugaji.

Sauti ya Wananchi

Mpango wa Matumizi Bora ya Ardhi katika Kijiji cha Iwungi chenye wakazi zaidi ya 178 unalenga kuboresha matumizi ya ardhi na kutoa suluhisho la kudumu kwa changamoto za ardhi na maendeleo ya kijiji hicho.

MWISHO