Nuru FM
  Stream radio
Menu
Nuru FM
  2. Afya
  3. Shirika la DSW kutoa huduma rafiki za afya ya uzazi Iringa

Shirika la DSW kutoa huduma rafiki za afya ya uzazi Iringa

18 November 2024, 7:44 pm

Mkurugenzi wa DSW Tanzania Peter Owaga akizungumzia kuhusu huduma za afya ya uzazi. Picha na Dorice Olambo

Na Dorice Olambo

Ili kupunguza changamoto za upatikanaji wa huduma rafiki za afya ya uzazi na maendeleo kwa vijana Shirika la DSW limetambulisha mradi wa Reproductive Equity Strategy in Tanzania (REST)  Mkoani Iringa.

Akizungumza mara baada ya uzinduzi  wa  mradi wa huo Mkoani Iringa Mkurugenzi wa DSW Tanzania Peter Owaga  ameeleza kuwa  mradi huo unatazamia kuongeza uelewa mzuri kwa vijana na wadau kuhusu mipango ya kitaifa ya masuala ya afya.

Sauti ya Peter

Aidha ameongeza kuwa mradi huo unatarajiwa kufanyika kwa kipindi cha miaka mitatu huku maeneo yatakayoanza kwa utekelezaji ni pamoja na halmashauri ya manispaa ya iringa na wilaya ya Iringa kwa kata chache zilizopewa kipaumbele na mkoa.

Sauti ya Peter

Mwantumu Dosi ni Mkuu wa idara  ya maendeleo ya jamii manispaa ya Iringa amesema mradi huo utawasaidia vijana juu ya masuala ya afya uzazi ,ukatili wa kijinsia na kuwajengea vijana kujitambua.

Sauti ya Mwantumu

Hata hivyo Shirika hili lisilo la kiserikali la DSW Tanzania linatekeleza miradi katika mikoa ya Dodoma, Dar es Salaam, Arusha ,Iringa ,Morogoro na Mbeya.

MWISHO