Nuru FM
  Stream radio
Menu
Nuru FM
  2. Siasa
  3. CCM Wilaya ya Mufindi wawanadi wagombea wake

CCM Wilaya ya Mufindi wawanadi wagombea wake

21 November 2024, 11:44 am

Diwani wa Kata ya Boma akimnadi mgombea wa CCM katika nafasi ya uenyekiti Mtaa wa Mji Mwema. Picha na Fredrick Siwale

Na Fredrick Siwale

CHAMA CHA MAPINDUZI (CCM)  Wilaya ya Mufindi mkoani Iringa kimeanza kuwanadi wagombea nafasi uongozi wa Serikali za Mitaa kwa Wananchi kuelekea uchaguzi utakaofanyika Nov 27 mwaka huu.

Akizungumza wakati wa uzinduzi wa Kampeni katika Mtaa wa Mjimwema uliopo Kata ya Boma Diwani wa Kata hiyo Mh.Julist Kisoma aliwaomba Wananchi kujitokeza kwa wingi katika mikutano ya kampeni na itakapofika siku ya kupiga kura wawapigie Wagombea wote wanaotokana na CCM.

Sauti ya Diwani

Naye Mgombea nafasi ya Mwenyekiti katika mtaa wa Mjimwema kupitia Chama cha Mapinduzi Castory Daniel Nditu amewaomba Wananchi kwenda kumchagua yeye pamoja na Wajumbe wake watano ili waweze kushirikiana  katika kuleta maendeleo ya pamoja kwenye eneo lao.

Sauti ya Mgombea

Kwa Upande wake Katibu CCM tawi la Mjimwema Ndugu Daniel Manga amewaomba Wananchi katika mkutano huo kuwachagua Wagombea wote waliopendekezwa ndani ya Chama.

Mwenyekiti mstaafu wa Serikali ya Mtaa wa mjimwema Ndugu Fidelis Kisoma,aliwaomba Wananchi kumchagua mrithi wake Castory Daniel Nditu kwa kuwa ni mchapakazi na asiye na makuu na kuwaomba wasisikilize maneno ya uchochezi dhidi yake.