CCM Iringa yawapongeza walimu kushiriki shughuli za kijamii

6 November 2024, 10:01 am

Na Furahin Kahise

Chama cha Mapinduzi CCM mkoa wa Iringa kimewapongeza walimu wazalendo wa CCM mkoani hapa kwa kufanya kazi kwa ukaribu na chama hicho katika utekelekezaji wa shughuli za kijamii.

Hayo yamezungumzwa na Katibu wa Siasa Itikadi Uenezi na Mafuzo wa CCM Mkoani hapa Joseph Ryata alipokuwa katika kikao na walimu ambao ni Wanachama wa CCM Wilaya ya Mufindi na kuongeza kuwa walimu hao wamekuwa na mchango mkubwa katika kuwatumikia wananchi.

Kwa upande wake Mkuu wa Wilaya ya Mufindi Dkt. Linda Salekwa amesema kuwa serikali inatambua mchango wa Walimu ambao ni Makada wa Chama hicho.

Dkt Linda amesema kuwa walimu wanaweza kubadilisha kazi zilizofanywa na serikali na kuzielezea katika mazingira ambayo jamii inatambua kwa urahisi.

Awali Katibu wa Jumuiya ya Wazazi Mkoa wa Iringa Hamza Kyeibanja amesema kuwa Chama chao Kimejiapanga kushinda katika uchaguzi wa serikali za Mitaa unaotarajiwa kufanyika Nov 27 mwaka huu.

MWISHO