Shalom awaasa vijana kujitokeza uchaguzi serikali za Mitaa

12 November 2024, 1:11 pm

Na Fredrick Siwale

Wananchi wa Kijiji cha Ugenza Kata ya Ikweha Mufindi Kaskazini wametakiwa kujitokeza kwa wingi katika uchaguzi wa kuwapata viongozi wa serikali za Mitaa Nov 27 mwaka huu.

RAI hiyo imetolewa Shalom Robert aliyekuwa mgeni wa heshimu katika ufungaji wa bonanza la michezo la Mufindi Kaskazini Festval katika Kijiji cha Ugenza Wilaya ya Mufindi na kuongeza kuwa Vijana waliojiandikisha katika daftari la Wapiga kura wajitokeze kwa wingi itakapo fika Novemba 27 mwaka huu Ili wakapige kura kuchagua viongozi wanaowataka.

Amesema Vijana wana nafasi ya kuhakikisha wanachagua viongozi wanaowataka na ikiwezekana kuwachagua viongozi vijana ili kuleta maendeleo katika jamii.

Rajabu Adiliano ni Katibu wa Mbunge Jimbo la Mufindi Kaskazini amesema kuwa serikali imefanikiwa kuboresha miundombinu ya barabara, maji na umeme katika jimbo la Mufindi Kaskazini chini ya serikali ya awamu ya sita.

MWISHO