Kakakuona kua mtabiri ni imani potofu

26 September 2026, 13:41

kumuwekea vitu mbalimbali kwa ajili ya utabiri ni imani ambayo haijathibitishwa kisayansi, hivyo Kakakuona anastahili kulindwa-afisa Wanyamapori

Ndugu Nick Jacson Mwanri, Afisa Wanyamapori Wilaya ya Morogoro akitoa elimu juu ya Uhifadhi wa Wanyamapori Picha na Henry Mwakifuna.

Na Henry Mwakifuna

Wananchi na wadau wa uhifadhi wametakiwa kuachana na mila, imani na tamaduni zinazohusisha matumizi ya kakakuona na viungo vyake katika masuala binafsi, kwa kuwa mahitaji hayo yanaweza kuchangia uwindaji na biashara haramu ya mnyama huyo.

Afisa Wanyamapori kutoka Ofisi ya Wilaya ya Morogoro, Nick Jackson Mwanri, amesema elimu kwa jamii ni muhimu katika kuongeza uelewa kuhusu umuhimu wa kumlinda kakakuona na wanyamapori wengine.

Kwa mujibu wa tafiti zilizotajwa na Shirika la Utafiti na Uhifadhi Tanzania (TRCO), takribani kakakuona milioni 2.7 huwindwa barani Afrika kila mwaka kwa ajili ya matumizi mbalimbali. Hata hivyo, takwimu hii inapaswa kuhusishwa na chanzo na mwaka wa utafiti husika kabla ya kuchapishwa kama takwimu rasmi.

Mwanri amewataka wananchi kutoa ushirikiano kwa vyombo vinavyohusika na uhifadhi kwa kutoa taarifa kuhusu uwindaji, biashara au matumizi haramu ya kakakuona.

Aidha, wananchi wametakiwa kushirikiana na mamlaka za uhifadhi katika kuhakikisha kakakuona wanaookolewa au kukutwa katika mazingira yasiyo salama wanapelekwa katika maeneo yao ya asili kwa kufuata taratibu za kitaalamu.

Wito huo unalenga kuongeza uelewa wa jamii kuhusu umuhimu wa kakakuona katika ikolojia na kuchochea ushiriki wa wananchi katika juhudi za kupambana na ujangili na biashara haramu ya wanyamapori.

Sauti ya Afisa Wanyamapori kutoka Wilaya ya Morogoro