DC Kilombero atoa wiki mbili kuondoa wavamizi wa maeneo ya kilimo na malisho kijiji cha Nyange Ifakara

2 November 2026, 18:24

Baadhi ya Wananchi wa Kijiji cha Nyange Halmashauri ya Ifakara Mji walioudhuria Mkutano wa Hadhara Picha na Kuruthum Mkata

nakuagiza Mkurugeni wa Mji kuhakikisha ndani ya Siku 14 maeneo yote ya kilimo na malisho yanapaswa kutumika kwa shughuli zilizokusudiwa -DC Kyobya

Na Kuruthum Mkata

Mkuu wa Wilaya ya Kilombero, Wakili Dunstan Kyobya, amewataka wananchi walioingia katika maeneo yaliyotengwa kwa kilimo na malisho kuondoka mara moja, akisisitiza kuwa maeneo hayo hayapaswi kugeuzwa makazi.

Wakili Dunstan Kyobya Mkuu wa Wilaya ya Kilombero akizungumza na Wananachi wa Kijiji cha Nyange Hlmashauri ya Ifakara Mji Picha na Kuruthum Mkata

Akizungumza katika mkutano wa hadhara Uliofanyika Kitongoji cha Mtukula, Kata ya Msolwa Station, Oktoba 29, 2026,Dc Kyobya amesema maeneo ya kilimo na malisho yanapaswa kutumika kwa shughuli zilizokusudiwa ambapo  ametoa wiki mbili kwa Mkurugenzi kuhakikisha wavamizi wanaondolewa.

sauti ya DC Kyobya

Kwa upande wake, Kaimu Mkurugenzi wa Halmashauri ya Mji wa Ifakara  Rashid semgoya amewataka viongozi wa vijiji na kata kusimamia matumizi sahihi ya maeneo hayo ili kudhibiti migogoro.

sauti ya Kaimu DED

Mkuu wa Idara ya Kilimo, Dkt. Yuda Mgeni, akizungumza na Wananchi wa Kijiji cha Nyange picha na Kuruthum Mkata

Naye Mkuu wa Idara ya Kilimo, Dkt. Yuda Mgeni, amesema maeneo yaliyotengwa na Serikali kwa kilimo na ufugaji yanapaswa kuheshimiwa. Ameeleza kuwa ongezeko la watu limechangia migogoro hiyo, huku akiahidi kuchukua hatua dhidi ya uvamizi wa mifugo.

sauti ya Mkuu wa Kilimo

Diwani wa Kata ya Msolwa Station ameeleza kuwa kata hiyo inakabiliwa na changamoto za ubovu wa barabara, kutokuwepo kwa barabara ya kuingia na kutoka pamoja na ukosefu wa daraja.

sauti ya Diwani

Baadhi ya wananchi wa Kitongoji cha Mtukula wameeleza changamoto wanazokutana nazo, ikiwemo migogoro kati ya wakulima na wafugaji, na kuomba hatua za kudumu zichukuliwe kukabiliana na hali hiyo.