RC Katavi akabidhi magari mawili mapya asisitiza bidii ya kazi

19 July 2024, 12:29 am

Miongoni mwa magari mawili yaliyopokwa kwa ajili ya Mkuu wa Wilaya ya Tanganyika na Katibu Tawala Mkoa wa Katavi

“Amewataka Katibu Tawala Mkoa na Mkuu  wa Wilaya Tanganyika kuyatunza magari hayo ili yadumu kwa muda mrefu na kutumika katika shughuli za serikali.“

Na Rachel Ezekia -Katavi

Serikali katika kuboresha utendaji  kazi Mkoa wa Katavi  umepokea magari mawili kwa ajili ya mkuu wa wilaya ya Tanganyika na Katibu Tawala Mkoa wa Katavi.

Mkuu wa mkoa wa Katavi Mwanavua Hoza Mrindoko akikabidhi magari Hayo ambayo yametolewa na Serikali amewataka katibu tawala mkoa na mkuu  wa wilaya Tanganyika kuyatunza magari hayo ili yadumu kwa muda mrefu na kutumika katika shughuli za serikali.

Kwa upande wake Mkuu wa Wilaya ya Tanganyika Onesmo Buswelu amebainisha kuwa magari hayo yametolewa katika wilaya yake kwa ajili ya maslahi ya wananchi  katika kuwafikia na kutatua kero  ikiwa ni Pamoja kusimamia miradi inayaotekelezwa kwa wananchi.

Katika hatua nyingine Mrindoko amewahimiza watendaji kufanya kazi kwa bidii na kuzingatia taratibu na miiko ya kazi katika kumuunga mkono Rais Samia ambaye amekua akiwapambania wananchi katika kuwaletea maendeleo.

 Mkuu wa Mkoa wa Katavi Mwanamvua Mrindoko akimkabidhi funguo ya gari Mkuu wa Wilaya ya Tanganyika .Picha na Rachel Ezekia.