Mpanda FM

Amani yasisitizwa katika swala ya Eid-el-Fitr

31 March 2025, 1:47 pm

baadhi ya waamini wa dini ya kiisilam wakiwa katika swala ya eid al fitr viwanja vya kashato mkoani Katavi

“Amani ndio msingi wa maendeleo tuilinde katika mambo yote kama hakuna amani ni ngumu kufanyika chochote, tuendelee kuiombea nchi yetu amani”

Na Samwel Mbugi-Katavi

Wananchi mkoani katavi watakiwa kuitunza amani iliyopo kwani ndio jambo lakwanza kabisa kabla ya mambo yote na ikipotea ni kazi kubwa sana kuirudisha.

Hayo yamesemwa na Sheikh mkuu wa Mkoa wa Katavi Mashaka Nassor Kakulukulu wakati akizungumza na waamini wa dini ya kiisilamu siku ya kuazimisha sikukuu ya eid al Fitr iliyofanyika katika viwanja vya kashato manispaa ya Mpanda.

Sauti ya Sheikh mkuu wa mkoa wa Katavi Mashaka Kakulukulu

Pia kakulukulu amesema kuwa mwaka huu ni mwaka wa uchaguzi wananchi wanapaswa kuwa makini na baadhi wa wanasiasa ambao watakuwa na kauli mbalimbali ambazo zinaweza kuchochea uvunjifu wa amani.

Sauti ya sheikh mkuu wa mkoa wa Katavi

Kwa upande wake mkuu wa mkoa wa Katavi Mwanamvua Mrindoko amewataka wananchi wa mkoa wa Katavi kusherekea sikukuu ya eid kwa amani na usalama kwani wamejipanga kuhakikisha utulivu unakuwepo.

Sauti ya mkuu wa mkoa wa Katavi Mwanamvua Mrindoko akizungumza baada ya swala ya eid

Hata hivyo Mwanamvua ametoa shukrani kwa rais wa jamhuri ya muungano wa Tanzania Samia Suluhu Hassan kwa kuhakikisha nchi inaendelea kuwa na amani.