Mpanda FM
  Stream radio
Menu
Mpanda FM
  2. Miundombinu
  3. Ubovu wa barabara kikwazo cha uchumi

Ubovu wa barabara kikwazo cha uchumi

10 January 2025, 12:14 pm

mwonekano wa barabara inayounganisha kata ya Nsemulwa na Uwanja wa ndege. picha na John Benjamin

“Serikali kuchukua hatua za haraka za matengenezo ili kulifungua eneo hilo“

Na John Benjamin Katavi

Ubovu wa barabara inayounganisha kata ya Nsemulwa na Uwanja wa Ndege manispaa ya Mpanda mkoani Katavi ni kero ambayo inazorotesha ukuaji wa uchumi wa kata hizo licha ya serikali kutoa ahadi ya ujenzi wa barabara hiyo kupitia mradi wa Taktiki.

Wakizungumza na Mpanda Redio FM Wananchi wameitaka Serikali kuchukua hatua za haraka za matengenezo ili kulifungua eneo hilo ambalo waendesha bajaji wamekuwa wakisita kuwapeleka abiria pamoja na kuwaongezea nauli.

Sauti ya Wananchi wakilalamikia ubovu wa barabara.

Kutokana na malalamiko hayo, mkurugenzi wa Manispaa ya Mpanda Sophia Kumbuli ameeleza kuwa kinachosubiliwa kwa sasa ni kuanza ujenzi wa barabara hiyo.

Sauti ya mkurugenzi wa manispaa ya Mpanda Sophia Kumbuli

Barabara hiyo ambayo Makamu wa Rais Dkt Philip Mpango alipofika kufungua kituo cha Afya kata ya Nsemulwa aliuagiza uongozi wa mkoa kuhakikisha wanaijenga kwa haraka njia hiyo kwa kiwango cha lami.